Douglas Young

O Uicipeid
Gearr leum gu: seòladh, lorg
Douglas Young
Fiosrachadh
Rugadh Flag of Scotland.svg Tayport 5 an t-Ògmhios 1913
Bàs 23 an Dàmhair 1973
Obair Litreachas, Bàrdachd
Cànan Beurla, Beurla Ghallta
Linn 20mh linn

'S e eadar-theangaiche, bàrd, neach-poileataigs is àrd-ollamh Albannach a bh' ann an Douglas Young (5 An t-Ògmhìos 1913, Tayport - 23 An Dàmhair 1973). Chaidh e do dh'Oilthigh Chill Rìmhinn is do dh'Oilthigh Oxford.

Sgoilearachd[deasaich | deasaich an tùs]

Bha Young na sgoilear clasaigeach, is bha e gu sònraichte eòlach air Greugais. Bha e na òraidiche ann an Greugais an Oilthigh Chill Rìmhinn. Ann an 1960s, bha e a' teagaisg cuspairean clasaigeach (cultar, cànain is eachdraidh nan Seann Ghreug is Seann Ròimh) anns na Stàitean Aonaichte.[1]

Eadar-theangachadh[deasaich | deasaich an tùs]

Dh'eadar-theangaich e gu Beurla Ghallda bho iomadh cànan: mar eisimpleir an dealbh-chluich Na Losgannan le Aristophanes(The Puddocks, 1957) neo an dàn "Le Cimetière Marin" le Paul Valéry (The Kirkyaird by the Sea). Ged nach do nochd iad ann an clò còmhla ri Dàin do Eimhir ann an 1943, bha Young ag eadar-theangachadh bàrdachd Shomhairle MhicGill-Eain gu Beurla Ghallda cuideachd.

Douglas Young is Somhairle MacGill-Eain[deasaich | deasaich an tùs]

Bha Young air leth cudromach a thaobh Dàin do Eimhir, a' chiad leabhar le Somhairle MacGill-Eain na h-aonar. Sgrìobh MacGill-Eain iomadh litir gu Young, is bha Young a' deasachadh an leabhair nuair a bha MacGill-Eain a' sabaid anns an Dàrna Chogadh ann an Afraga a Tuath. Mar a sgrìobh Crìsdean Whyte, ghlèidh Young na dàin a bha MacGill-Eain fhèin ag iarraidh dìtheachadh.[2]

Poileataigs[deasaich | deasaich an tùs]

Bha Young 'n sàs ann am poileataigs. Ann an 1938, ghabh e ann am Pàrtaidh Nàiseanta na h-Alba. Roghnaich e a dhol dhan phrìosan ann an 1942, an àite a ghabhail pàirt anns an Arm aig àm an Dàrna Chogaidh.[3]

Leabhar-chlàr[deasaich | deasaich an tùs]

Bàrdachd[deasaich | deasaich an tùs]

  • Auntran Blads: An Outwale o Verse by Douglas Young. Glaschu: William MacLellan, 1943.[4]

Mu a dhèidhinn[deasaich | deasaich an tùs]

  • McClure, Derrick J. "Douglas Young and Sorley MacLean". Gaelic and Scots in Harmony. Proceedings of the Second International Conference on the Languages of Scotland. Deas. le Ruaraidh MacThòmais. Glaschu: Oilthigh Ghlaschu.

Iomraidhean[deasaich | deasaich an tùs]

  1. Eachdraidh-Beatha aig Scottish Poetry Library
  2. Whyte, Crìsdean (deas.). Somhairle MacGill-Eain. Dàin do Eimhir / Poems to Eimhir (Glaschu: ASLS, 2002) d.1.
  3. Eachdraidh-Beatha aig Scottish Poetry Library
  4. Douglas Young and Sorley Maclean - J.Derrick McClure

Ceanglaichean a-mach[deasaich | deasaich an tùs]