Cuaigearan

O Uicipeid
Gearr leum gu: seòladh, lorg
Quaker star-T.svg
Comann Cràbhach nan Caraid
Stèidhichte 17mh Linn
Leabhar Cràbhach Leabhar Smachd
Ceannard Duine sam bith
Thòisich Sasainn
Dùthchanan as treasa Flag of England.svg Sasainn
Flag of Kenya.svg A' Cheinia
Flag of the United States.svg Na Stàitean Aonaichte
Flag of Burundi.svg Burundi
Flag of Guatemala.svg Guatamala

Tha na Cuaigearan nam buill de ghluasadan creideimh air a tha, gu lèir, Comann Cràbhach nan Caraid (Beurla: Quakers no Religious Society of Friends).[1] Tha a' chuid as motha dhiubh gan fhaicinn fhèin mar Chrìosdaidhean; ge-tà, tha iomadh diofair eadar buidhnean sònraichte air sgàth diadhachd agus adhraidh, oir tha iad a' creidsinn ann an "solas a-staigh" aig gach ball seach ann an creudan suidhichte. San fharsaingeachd, tha iad nan sìochantairean, tha iad airson sìmplidheachd agus co-ionnannachd, agus an aghaidh innse bhreugan. Tha prionnsabalan aig coimhearsneachdan sònraichte air an cruthachadh ann an Leabhar Smachd (Beurla: Book of Discipline). Tha na leabhraichean seo air an atharrachadh bho àm gu àm agus tha caochladh ainm oifigeil eile aca, m.e. Faith and Practice (Creideamh agus Cleachdadh) no Quaker Faith and Practice.

Chaidh an stèidheachadh aig meadhan 17mh linn ann an Sasainn le George Fox.[2] An-diugh, tha coimhearsneachdan nan Cuaigearan as motha anns a' Cheinia (mu 134,000), anns na Stàitean Aonaichte (mu 87,000) agus ann an Guatamala (mu 21,000). Ann an 2010, bha 14,315 Cuaigearan clàraichte anns an Rìoghachd Aonaichte, 720 dhiubh ann an Alba.[3]

Iomraidhean[deasaich | edit source]

  1. Quakerweb
  2. Ravenhill
  3. Yearly Meeting of the Religious Society of Friends (Quakers) in Britain: Tabular statement as at 31 xii 2010 (Beurla)

Ceanglaichean a-mach[deasaich | edit source]