Co-mhaoineas

Is e co-mhaoineas na bheachd-smuainealas sòisealta, poileataigeach agus eaconomach. 'S e meur sòisealachd a tha airson saoghal gun chlasaichean agus seilbheachadh pearsanta a chruthachadh. Anns an fhicheadamh linn, bha cuid mhath dhen stàitean anns an t-saoghal fo smachd phàrtaidhean a bha gan ainmeachadh fhèin "co-mhaoineach" agus a' tagairt gun robh na stàitean ann an tìde trasdach, tìde sòisealachd eadar calpachas is co-mhaoineas. B' iad na stàitean a bu chudromaiche dhiubh an t-Aonadh Sobhiat (bha a' chuid a bu mhotha den stàitean "co-mhaoineach" anns an Roinn-Èorpa fo smachd an Aonaidh) agus Sìona.