Campoalegre
| Cur air cois | 1809  |
|---|---|
| Dùthaich | Coloimbia |
| Sgìre riaghaltais ionadail | Huila |
| Faisg air an uisge | Abhainn Mhagdalena |
| Domhan-leud is -fhad | 2°41′12″N 75°19′32″W |
| Làrach-lìn | http://www.campoalegre-huila.gov.co/index.shtml |
'S e baile beag ann an Huila,[1] Coloimbia,[2] a th'ann Campoalegre. Tha e suidhichte mu dheas Neiva, prìomh-bhaile na roinne, anns na na h-Andes. Tha àirde meadhanach dhe 525m os cionn ìre na mara, ach tha am beinn leis an canar Siberia suidhichte aig 3,250 os cionn ìre na mara agus tha meadhan a’bhaile suidhichte aig 66m. 'S e baile le gnàth-shìde theth a th' ann le teodhachd mu 27˚ thar cheann, rè na bliadhna, ach tha gnàthan-shìde eile shuas air a’ mhòintich. Chaidh am baile a stèidheachadh ann an 1809.
Freumhan an Ainm[deasaich | deasaich an tùs]
'S e ainm fa leth Spàinntis a th'ann Campoalegre. Tha dà fhacal Spàinntis ann: campo (achadh) agus alegre (sunndach).[3] Le sin, tha an t-ainm a' ciallachadh An t-Achadh Sunndach.
Sluagh a' bhaile[deasaich | deasaich an tùs]
Ged a tha 32,186 nan tàmh anns a' bhaile, chan eil ach 8,200 dhuibh a' fuireach anns na sgìrean dùthchasail am broinn crìochan a' bhaile.[4] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[5] Air adhbharan trioblaidean poileataigeach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.
Taobh chinnidh, 's e daoine geala a th'ann a' mhòr-chuid dhe na daoine ann an Campoalegre (is mòran dhuibh mestizos). ‘S e Tùsanaich a th’ann an 0.1% agus tha 2.5% dhe daoine le freumhan ann an Afraga. 'S urrainn dhan 85.3% dhe na daoine ann an Campoalegre leughadh agus sgrìobhadh. A tuilleadh air sin, tha fòn aig an taigh aig 32% dhe na dachannan.[6]
Fèisean[deasaich | deasaich an tùs]
Thathar a’ cumail am iomadach seòrsa dhe fhèis ann an Campoalegre. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[7] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.
- Fèis an Neo-eisimeileachd: 20mh An t-Iuchar.
Daoine ainmeil[deasaich | deasaich an tùs]
- José Hilario López (1798–1869): Ceann-suidhe na dùthcha eadar 1849 agus 1853.
Iomraidhean[deasaich | deasaich an tùs]
- ↑ Riaghaltas na Roinne: Bailtean
- ↑ Dùthchannan aig SMO
- ↑ Faclair Oifigeil Spàinntis
- ↑ Figearan Oifis a' Chunntas-sluaigh
- ↑ Coloimbia Virtual
- ↑ Bileag fhiosrachaidh DANE
- ↑ Country Studies: Colombia
