Caergybi

O Uicipeid
Gearr leum gu: seòladh, lorg
Eaglais Naomh Cybi aig Caergybi

'S e prìomh phort agus baile de Ynys Mon a th' ann an Caergybi neo Holyhead mar a chanas luchd na Beurla ris. Anns a' bhliadhna 2001 bha 11,237 duine a' fuireach anns a' bhaile fhèin. Is i a' Chuimris a tha na cànan mathaireil aig a' chuid bu mhotha de muintir a' bhaile.

Is e eilean mòr don iar-thuath a' Chuimrigh, a tha roinnte bhon tìr mhòir leis an Linne Menai a tha anns an Ynys Mon. Tha Caergybi suidhichte air eilean beag air a bheil an t-ainm Holy Island. Tha an t-eilean ceangailte ri Ynys Mon le drochaid agus cabhsair.

Tha Caergybi air a bhith na phort cudthromach air taobh conaltradh co-dhiù bho thoiseach an 19mh cheud, nuair a rinneadh ionad-phacaid dheth, airson a' puist rìoghail "The Irish Mail" eadar Lunnainn agus Caisteal Átha Cliath. Rinneadh rathad-phuist, innlichte le Tómas Telford, bho Lunainn gu Caergybi ann an 1815. Ràinig an rathad-iarainn Caergybi ann an 1847.

Tha Caergybi suidhichte air an seòlaid a steach ri Poll a' Ghruthain bhon Chuan Cheiltich agus bho na 1820n gu 1847, bha telegraf seamafoir le seachd ionadan, stèidhichte eadar an dà Phort. Chaidh a chleachdadh a thoirt rabhadh do na malairteaich aig Poll a' Ghruthain nuair a bhiodh na luingean aca a' tighinn gu phort.

Ged nach eil na postan fhathast a' dol gu Eireann tro Chaergybi tha e fhathast na Port cudthromach airson an dà chuid, bathair agus daoine air an triall eadar Sasainn agus Eireann. Bithidh Stena Line a' ruith luingean aiseig gu Port Átha Cliath agus bàta-luath "hydrofoil" gu Dùn Laoghaire agus bithidh Irish Ferries a' ruith aiseagan gu Port Átha Cliath.

Am bàta Stena Explorer (Stena Line) a' fagail Caergybi