Bun na Dubh Abhann

Sealladh air Bun na Dubh Abhann bhon dheas

Meadhan a' bhaile le port-mara beag

Bun na Dubh Abhann

'S e baile beag ann an Arainn, eilean ann an Linne Chluaidh, a tha ann am Bun na Dubh Abhann (Beurla: Blackwaterfoot).

Tha am baile suidhichte ann an Gleann Sheasgann air àird an iar-dheas an eilein. 'S e seo na co-chomharran aige: 55° 30′ 0″ Tuath agus 5° 20′ 0″ Iar.

Tha aon den dà raon goilf le 12 toll san Roinn Eòrpa ann.

Faisg air a' baile tha Rubha a' Bharra (no Rubha an Dùin) (Beurla: Drumadoon Point), far a bheil seann dùn à Linn an Iarainn. Rud beag tuath air tha Uamh an Rìgh (Beurla: King's Cave), agus thathar ag ràdh gum b' e àite-falaich Raibeart Brus a bha ann.

Ainm Gàidhlig

Tha mòran dòighean sgrìobhaidh eadar-dhealaichte ann. Tha Iain Mac an Tàilleir ag ràdh: Bun na Dubh Abhann is Bun na h-Abhann . Cleachdar SMO cuideachd: Bun na Dubh Abhainn agus Dubh Abhainn.

Ceanglaichean a-muigh

• Iomraidhean nam mapaichean airson comharradh-clèithe: NR 895 280