Am Mòd Nàiseanta Rìoghail

'S e am Mòd Nàiseanta Rìoghail am prìomh thachartas cultarach ann an saoghal na Gàidhlig. Chaidh am Mòd a chur air bhonn leis a' Chomunn Ghaidhealach.

Bidh mòran cho-fharpaisean a' dol ann m. e.: co-fharpaisean beul-aithris, seann nòis, òrain Gàidhlig is còisirean Gàidhlig, ceòl traidiseanta, co-fharpaisean ionnstramaidean, a' gabhail a-steach fidheall, a' Phìob Mhòr, clàrsach amsaa. Bidh co-fharpaisean ann an litreachas, a' leughadh bàrdachd no a' Bhìobaill cuideachd.

Bidh iomain agus ball-coise ann cuideachd agus bidh prògram inntinneach ann airson Iomall a' Mhòid, le ceòl, bùthan-obrach agus òraidean. Bidh na co-fharpaisean a' tarraing mòran daoine chun a' Mhòid. Mar is trice bidh na h-àireamhan gu math àrd, gu h-àraid ann am farpaisean na cloinne.

Leis an t-sianal ùr bidh am Mòd ri fhaicinn air BBC Alba.

Ionadan

Bidh am Mòd ann gach bliadhna anns an Dàmhair ann an àiteachan diofraichte air feadh Alba.

• 2016 - Na h-Eileanan Siar
• 2015 - An t-Òban
• 2014 - Inbhir Nis
• 2013 - Pàislig
• 2012 - Dùn Omhain
• 2011 - Na h-Eileanan Siar
• 2010 - Gallaibh
• 2009 - An t-Òban
• 2008 - An Eaglais Bhreac
• 2007 - Loch Abar
• 2006 - Dùn Omhain
• 2005 - Steòrnabhagh
• 2004 - Peairt
• 2003 - An t-Òban – an 100mh Mòd Nàiseanta Rìoghail
• 2002 - An Leargaidh Ghallda
• 2001 - Steòrnabhagh
• 2000 - Dùn Omhain
• 1999 - Loch Abar
• 1998 - An t-Eilean Sgitheanach agus Loch Ailse
• 1997 - Inbhir Nis
• 1996 - Blàr Ghobharaidh

Ceanglaichean a-muigh

• Am Mòd (Gàidhlig)
• Am Mòd anns an Scotsman (Gàidhlig)
• Am Mòd: Ionadan gach bliadhna
• Mòd Phàislig 2013